தீங்கு கருதி ஆயர், காவலுக்குச் செல்லுதல்

விவரங்கள்: திருத்தக்கதேவர்; தாய்ப் பிரிவு: ஐம்பெருங்காப்பியங்கள்; சீவக சிந்தாமணி

பூத்த கோங்கு போல் பொன் சுமந்து உளார்
ஆய்த்தியர் நலக்கு ஆ செல் தூண் அனான்
கோத்த நித்திலக் கோதை மார்பினான்
வாய்த்த அந் நிரை வள்ளுவன் சொனான்.

419

பிள்ளை உள் புகுந்து அழித்தது ஆதலால்
எள்ளன்மின் நிரை இன்று நீர் என
வெள்ளி வள்ளியின் விளங்கு தோள் நலார்
முள்கும் ஆயரும் மொய்ம்பொடு ஏகினார்.

420